I keni parasysh ato momentet kur jemi të indinjuar me këdo e çfarëdolloj gjëje që na rrethon, na ka ardhur në majë të hundës me mjaft probleme dhe zgjedhim që të “shfryhemi” në Facebook apo Instagram me anë të statuseve.
Këtë ka bërë edhe këngëtarja e moderatorja, Rozana Radi, e cila ka shpërndarë një status të gjatë, lidhur me të gjithë kalvarin e vuajtjeve dhe problemeve që ka hasur me njerëzit gjatë gjithë këtyre viteve.
“Jam mësuar të lexoj mesazhe tallëse të njerëzve dhe i kam kapërdirë”, – shkruan Rozi në Facebook. “Kam shikuar padrejtësitë që më janë bërë dhe kam mbyllur njërin sy. Kam mësuar të dëgjoj ‘fjalët’ e mençura të mendjemëdhenjve dhe të bie dakord me ta”.
Më tej ajo vazhdon: “Të gjitha këto nuk m’i ka mësuar shkolla, nuk m’i ka dhënë kush leksion, por m’i ka mësuar jeta. Dhe ajo që mësoi më shumë jeta është të urrej buzëqeshjen e shtirur”
“Jam shumë më e lumtur kur dikush më godet me një shpullë ballë-për-ballë, sesa një thikë pas shpine. Se di si qëndroni akoma në këtë Facebook dhe nuk fshini vetveten! Do mësohem dhe me këtë!”, – përfundon Radi.
Përveç kësaj, ajo që bie në sy është edhe komenti i Fiorit, e cila shkruan: “Zana, mos u mërzit moj!”, koment ky tipik i një shoqeje të ngushtë.
Po kush e ka acaruar kaq shumë Rozin vallë? /Blitz.al/
