Kryeministri Edi Rama ndodhet sot në Burrel, por rrugës ai është ndalur për të ndjekur punimet e rrugës së Arbrit. Ai kryer dy postime nga tuneli i rrugës së Arbrit, e në videon e fundit është shfaqur në krah të një demokrati.
Ndërsa nuk kanë munguar batutat me të riut se kush do t’i fitojë zgjedhjet. “Sot është hapur tuneli dhe erdha këtu dhe gjeta në inspektim zotin Kryeministër. Do të fitosh ti apo ne?”, iu drejtua i riu, kryesocialistit, që mbante veshur maskën ngjyrë blu me sloganin e PD-së, “Shqipëria fiton”.
Ndërsa Rama në këtë përgjigje jep edhe një mesazh për kryedemokratin Basha. “Do të fitojë populli shqiptar, dhe pastaj do t’ju nxjerrim edhe juve nga tuneli, hajde mirupafshim”, iu përgjigj Rama.
Ndërsa videon në Facebook e ka publikuar me këtë dedikim: “Rruga e Arbrit, Tuneli nr 3; Ne do të fitojmë dhe do ta nxjerrim edhe PD nga tuneli”.