Kryeministri i Kosovës, Albin Kurti, i cili ndodhet për një vizitë zyrtare në Bruksel, do të takohet sot me sekretarin e NATO-s, Jens Stoltenberg.
Kështu është bërë e ditur nga një njoftim i lëshuar në faqen zyrtare të NATO-s. “Të Enjten, 29 Prill 2021, Sekretari i Përgjithshëm i NATO-s, Z. Jens Stoltenberg, do të takohet me Z. Albin Kurti nga Kosova në Selinë e NATO-s” thuhet në njoftim.
Kurti gjatë ditës së djeshme është takuar me kryeministrin belg, Aleksander De Croo, pastaj me komisionarin e BE-së për Bujqësi dhe Zhvillim Rural, Janusz Wojciechoëski dhe komisionarin për Drejtësi, Didier Reynders dhe shumë krerë të tjerë të institucioneve të BE-së.
