Burime konfirmojnë se disa ambasada në Tiranë u kanë dërguar e-mail shtetasve të tyre që gjenden në Shqipëri. Selitë diplomatike u kanë kërkuar shtetasve të tyre të regjistrohen në sistemin e tyre të emergjencës që të tregon këshillat e sigurisë në rast rreziku.
Të njëjtat burime sqaruan se ky është një lloj protokolli sigurie që nëse ndodh diçka të gjithë shtetasit e huaj të jenë të lajmëruar në kohë reale. Kjo nuk ka ndodhur në të kaluarën. Burimi tha se ky protokoll të tregon ku të lëvizësh dhe kë të kontaktosh në rast rreziku, bën të ditur lapsi.al.
Kjo nuk është aplikuar në asnjë nga zgjedhjet parlamentare në të kaluarën dhe është një shenjë se selitë diplomatike në tiranë mund të kenë informata se situata në Shqipëri mund të përshkallëzohet me afrimin e datës 30 qershor.
