Drejtori i Qendrës Kombëtare të Urgjencës, Skënder Brataj ka deklaruar kurba e të infektuarve me COVID-19 në është e sheshtë, por ekziston rreziku i rritjes së numrit.
Në një interviste për RTV Ora, ai u shpreh se lirimi i masave do të thotë respektim i distancimit social.
Sipas Bratajt, nëse kjo nuk ndodh, numri mund të rritet sepse infeksioni është ende prezent.
‘Është një kurbë e sheshtë, numri i të infektuarve përditë është nga 10-20. Kjo është e lidhur me respektimin e masave. Nga të gjithë tamponët që bëhen gjatë gjithë ditëve është më pak se 10% numri i të infektuarve në krahasim me numrin të bërit tampon, që përputhet me sëmundshmërinë e gripit, se gripi në sezonet kur kalon kap 10% të popullsisë. Edhe kjo po ta marrësh është gati 10% e të kontrolluarve të jenë të infektuar. Këtë e shohim të lidhur me respektimin e masave të distancimit. Primare duhet të jetë shëndeti.
Ajo që duhet të them është respektimi kur lirohen masat. Lirimi i masave do të thotë dalje e njerëzve, dalja e njerëzve do të thotë rrezik i transmetimit. Ky duhet të jetë mesazhi që njerëzit duhet të marrin.
Rreziku i transmetimi është në vendet ku ka grumbullim njerëzish. Nuk është e njëjta gjë kur njerëzit janë në lëvizje. Kur je në një familje që je afër nuk është problemi. Por kur ky grup afrohet me një familje tjetër që njëra prej të dyve boll që dikush të jetë i infektuar dhe tja kalojë një personi të kësaj familje ne e kemi shumëzuar numrin e tyre’, tha Brataj.
