Këto shenja nuk i bëjnë lekë “rrushë e kumbulla”. Megjithëse të kursesh është shumë e vështirë, ato ja dalin:
Virgjëresha (23 gusht- 22 shtator)
Të lindurit në këto data janë llogaritarë të lindur. Nuk kanë nevojë për laps e letër. Nuk kanë nevojë as për makinë llogaritëse, pasi e kanë gjithçka të programuar në kokë. Virgjëreshat nuk i lejojnë vetes shpenzime të kota, prandaj dhe zgjedhin të kursejnë. Janë të kujdesshëm në menaxhimin e të ardhurave dhe nuk rrezikojnë kurrë të ngelin me xhepin bosh.
Demi (20 prill- 21 maj)
Paraja dhe demët kanë një marrëdhënie utilitare. Demi përdorë paratë, por edhe paratë e përdorin demin. Ka demë që përdoren shumë kollaj nga paratë, por pjesa më e mirë e tyre dinë si t’i menaxhojnë ato. Kursejnë në masë të moderuar, por njëkohësisht kënaqin nevojat e tyre të së tashmes.
Bricjapi (22 dhjetor- 20 janar)
Kjo shenjë është një ndër më puntoret e të gjithave. Janë gjithmonë me këmbë në tokë dhe u pëlqen të analizojnë çdo risk që mund t’u kanoset. Ata punojnë fort dhe mendojnë për ditë të vështira. Nuk shpenzojnë asnjëherë për gjëra pa vlerë.
