Ka një art në shkencë, dhe nganjëherë ka një shkencë mjaft të pabesueshme në art.
Është i pabesueshëm rasti në një fushë të hulumtimit brenda biologjisë strukturore të quajtur “origami i ADN-së”. Shkenctarët bëjnë art, duke lidhur dhe grumbulluar molekulat e ADN-së mbi njëra-tjetrën. Hulumtuesit kanë qenë në gjendje të krijojnë struktura të ndërlikuara tridimensionale që mund të marrin formën e petullave, arudhave Tedy, madje edhe një imazhi të Mona Lizës.
Këto forma molekulare të bëra bashkë arrijnë deri në 10 centimetra. Një studim i ri në revistën “Nature” tregon se shkencëtarët në Gjermani tashmë kanë zbuluar se si t’i bëjnë këto forma katër herë më të mëdha.
Kjo praktikë e quajtuar “origami e ADN-së” është interesante, por shkencëtarët ende nuk e përdorin atë për ndonjë qëllim praktik. Nisur nga kjo gjë shumë njerëz mendojnë se po zhvillohet akoma më shumë teknologjia dhe këto zbulime të shkencëtarëve do të përdoren për makinerit e së ardhmes.Të tjerë kanë menduar se kjo metodë mund të përdoret në zbulimin e sëmundjeve.
Dhe në fakt shkenctarët tashmë janë duke punuar me disa nga strukturat “origami AND” dhe përdorimin e tyre si pilula të destinuara për të synuar qelizat e kancerit. Ata përpiqen të kuptojnë mënyrat e përdorimit të strukturave origami për të zbuluar shenjat e hershme të kancerit dhe më pas t’i transmetojnë analizat e tyre tek pajisjet elektronike, jashtë trupit të njeriut për t’u analizuar nga mjekët.Përshtati AlpeNews.al