Një nga ngjarjet më të renda të ndodhura këtë muaj është padyshim ajo e Kavajës ku një e mitur është abuzuar seksualisht nga 8 adoleshentë dhe shantazhuar me video intime.
Sot është zbuluar se personi që e “shpëtoi” nga makthi ka qënë pikërisht pastruesja e shkollës. E ky në fakt nuk është I vetmi rast ku pastruesja është kthyer në shpetimtare.
1.Përdhunimi i vajzës, pastruesja zbuloi sms në telefonin e të birit
Psikologu Edmond Dragoti rrëfeu sot edhe detaje të reja. Sipas tij, ka qenë një mesazh në telefonin e djalit të pastrueses së shkollës, të cilit i kërkonte një shok një dhomë bosh për të kryer aktin e radhës me 13-vjeçaren. E alarmuar ajo ka njoftuar drejtoreshën e shkollës.
2.Pastruesja zbuloi abuzimin e Hasan Halilit me fondet në bashkinë e Kukësit
Abuzimi i ish-kryebashkiakut të Kukësit Hasan Halili dhe tre ish zyrtarëve të tjerë të kësaj Bashkie me fondet e sigurimeve shoqërore, është zbuluar nga një pastruese.
Esma Muçaj ka qenë ajo që ka denoncuar skandalin te kryebashkiaku aktual Bashkim Shehu. Kjo për shkak se Esma Mucaj pasi është larguar nga puna në vitin 2015, ka shkuar pranë sigurimeve shoqërore për të kërkuar asistencë, duke qenë se kishte derdhur kontribute prej 22 vjetësh si pastruese në bashkinë Kukës.
/AlpeNews.al
