Një tjetër episod aspak i këndshëm u shënua sot në Fier teksa disa qytetarë, kryesisht militant të PD pritën kryeministrin Rama me protesta.
Disa prej tyre qëlluan me gurë në kokë një prej efektivëve të FNSH-së që më pas u plagos dhe u shtrua në spital.
Fatkeqësisht, ky nuk është i vetmi rast e me siguri nuk do jetë as i fundit që opozita me anë të militantëve e tregon forcën e saj me efektivët e policisë.
Për arsye që dihen nga të gjithë, forcat e shtetit qendrojnë të paprekura, rregull ky që duket i harruar për opozitën, ndonëse kur ishte vetë në pushtet bënte të pabërën kur prekeshin efektivët në shërbim.
Kujtojmë protestën para Kuvendit, mbrëmjën e 26 shkurtit ku protestuesti në pamundësi për të hyrë në seancë, thyen xhamat e makinës së policisë dhe goditën me hunj e shkopa policët që qendronin në radhët e parë por jo vetëm.
Përmendim këtu dhe një nga rastet më të renda, atë të efektives Ina Nuka të cilës prej shashkave hedhur nga opozita rrezikoi të humbte gishtat e njërës dorë.
Të gjitha këto, tregojnë një këmbëngulje herë herë të pakuptimtë dhe një tentativë të dëshpëruar të opozitës për të sulmuar forcat e rendit.
Në çdo protestë së fundmi, shënjëstra nuk duket të jetë as Kuvendi, as politikanët, por pikërisht ata që po shërbejnë…vetë efektivët.
Përgatiti: AlpeNews.al
