Rreth 10 vite më parë, divroci i sopranos Inva Mula me këngëtarin Pirro Çako, me të cilin ka dhe një djalë, Antony, bëri shumë bujë. Ishte viti 2007 kur çifti vendosi që t’i jepte fund martesës së tyre, për të vazhduar më pas jetën në dy vende të ndryshme, sopranoja në Paris, ndërsa ai në Tiranë.
Dashuria e tyre 25-vjeçare përfundoi pas disa seancave gjyqësore, në Gjykatën e Apelit, arsyeja me të cilën e justifikoi Pirro Çako ishte se faji rëndonte me të.
“Deri në momentin që u ndamë, martesa jonë ishte model për t’u marrë shembull”, tha gjatë një interviste në vitin 2010 këngëtari.
Tashmë, “iconstyle.al” ka gjetur nga arkivat një foto të ish-çiftit, në një tjetër version të tyre. Jashtë pamjes së përsosur të ekranit, të thjeshtë dhe të veshur në mënyrë sportive.
Inva Mula duket e habitur para aparatit fotografik, me kapelë dhe bluzë me mëngë të shkurtra të bardha, teksa qëndron në tavolinë duke ngrënë. Krah saj, i ngritur në këmbë, Pirro Çako me një veshje sportive merr një gotë me lëng nga tavolina.
Fotografia besohet se është realizuar gjatë pushimeve verore, në një lokal.
Gjatë një interviste në shtator të 2017-s, e pyetur për marrëdhënien me ish-bashkëshortin, Inva Mula u shpreh:
“Me Pirron kam një marrëdhënie shumë normale, që ndoshta për dikë nuk është normale. Është gjithmonë prezent për arsye se, është babai i djalit dhe unë kam ndarë me Pirron një pjesë të madhe të jetës. Nuk mund të them se e kam shok, pasi s’jemi më shok. Ngelet diçka që i përket të kaluarës time, me respektin më të madh, pasi është babai i djalit tim”.
