Nuk kanë fund ngjarjet e rënda në vendin tonë, së fundmi një 89- vjeçar gjeti vdekjen nga sulmi i disa hajdutëve që kishin hyrë në shtëpi e tij në Mallakastër për ta grabitur.
I moshuari Caush Shehaj, u plagos si fillim nga dy grabitësit por më pas humbi jetën në spitalin e Fierit.
89-vjeçari u sulmua nga Ervis Halimi 22-vjeç dhe Musa Gudo 28-vjeç, të cilët nën kërcënimin e automatikut i morën dhe një sasi parash në banesë.Por Musa Gudo nuk është emër i padëgjuar për policinë, pasi në vitin 2020 ai ishte dënuar me 2 vite burg, pasi u shpall fajtor për përdhunimin e një vajze 23-vjeçare në Fier.
Të afërmit, zbuluan se i moshuari, Caush Shehaj ishtedhunuar në mënyrë barbare nga dy grabitësit, Evis Halimi dhe Musa Gudo të cilët janë arrestuar nga policia.
Policia ka proceduar penalisht edhe 16 vjeçarin F.Ç nën akuzën e ‘moskallëzimit të krimit’. Ndërsa është sekuestruar edhe arma e zjarrit tip automatik me të cilën është kryer grabitja.
Materialet do t’i kalojnë Prokurorisë pranë Gjykatës së Shkallës së Parë Fier, për veprat penale “Vjedhja me dhunë”, e kryer në bashkëpunim, “Plagosje e rëndë me dashje”, “Mbajtja pa leje e armëve dhe municionit luftarak” dhe “Moskallëzimi i krimit”.
Ky nuk është rasti i vetëm kur një grabitje ka përfunduar në tragjedi, ku grabitësit për të marrë një shumë parash dhe kanë vrarë dikë.
(Banesa ku ka ndodhur ngjarja)
Alpenews.al ju risjell në kujtesë raste të njëjta me ngjarjen e rëndë që ka ndodhur në Mallakastër.
Viktimë duke ruajtur misrin, hajduti vret 65 vjeçarin në Shijak, plagos rëndë vëllain
Një 65 vjeçar është vrarë para dy vitesh në Xhafzotaj të Durrësit ndërsa vëllai i tij mbeti i plagosur rëndë duke ruajtur një arë me misër të cilën në vazhdimësi ua kishin vjedhur.Hajduti goditi dy vëllezërit teksa po bënin roje tek ara me misër.
Vlorë, hajduti hyn në shtëpi për të vjedhur, vret të zotin e shtëpisë
28-vjeçari Federik Denaj i maskuar është futur në oborrin e banesës së pronarit P.P dhe ka tentuar të vjedhë me armë zjarri “Automatik” banesën e këtij të fundit. Pasi është konfliktuar fizikisht me pronarin e banesës, nuk ka mundur të marrë asgje dhe është larguar menjëherë duke përfituar nga errësira, duke e lënë kështu të vrarë të zotin e banesës.
Hajdutët vrasin pronarin e banesës
Hajdutët e shtëpive kanë vrarë një tjetër kryefamiljar brenda në shtëpinë e tij. Baba i tre fëmijëve, Mustafa Mehmeti, 52 vjeç, ka ngelur i vdekur nga një breshëri automatike. Viktima në momentin që hajdutët kanë tentuar të hyjnë në shtëpinë e tij, ishte në prani të të gjithë personave të tjerë të shtëpisë.