Kreu i Urgjencës Kombëtare Skënder Brataj foli për situatën pandemike në vendin tonë, ku tha se së fundmi është ulur numri i viktimave nga Covid, si dhe numri i të infektuarve.
Ai u shpreh se deri në fund të majit do të bëhen 500 mijë vaksina dhe situata do të vijë drejt përmirësimit gjatë muajve të verës.
Sipas Brataj deri në fund të vitit do t’i rikthehemi normalitetit.
“Vaksinimi garanton dritën jeshile në fund të tunelit. Numrat kanë rënë, edhe i të infektuarve edhe i viktimave. 222 mijë vaksinime janë bërë deri më tani. Zotimi i mbylljes së 500 mijë vaksinat brenda majit është real, por megjithatë unë nuk jap premtime sepse nuk e di se sa vaksina kemi në dispozicion. Vaksinimi 100% është i suksesshëm dhe askush nuk mund të ketë dyshime. Kthehemi tek EMA dhe FDA, Amerika nuk do të provojë kurrë një vaksinë të asnjë vendi tjetër, pasi fazën e tretë e bëjnë në vendin e tyre. Mendoj që vera do të jetë shumë më e qetë sepse nëse arrijmë këtë numër vaksinimi, besoj se verën do e kalojmë kollaj. Marrë përgjegjësinë edhe nga ana prefesionale. Fundi i vitit besoj se do na kthejë në jetën normale”, u shpreh Brataj për Ora News.
