Dy të rinj kanë rënë në pranga, pasi akuzohen se kanë kundërshtuar punonjësit e policisë.
Burime zyrtare nga policia e Vlorës bënë me dije se bëhet fjalë për shtetasit Oltion.K., 21 vjeç, dhe Orges.K., 18 vjeç, banues në Vlorë.
Dy të rinjtë në lagjen ‘Ujë i Ftohtë’, kanë kundërshtuar me dhunë në ushtrimin e detyrës punonjësit e policisë së qarkullimit rrugor. Materialet hetimore u referuan për veprën penale ‘Kundërshtimi i punonjësit të policisë së rendit publik’, parashikuar nga neni 236/2 të Kodit Penal.
