Instituti i Statistikave ka përgatitur projektligjin për censin e popullsisë dhe banesave të vitit 2020. Projektligji i hedhur për konsultim publik rregullon organizimin dhe realizimin e censit, që do të organizohet nga Instat, në bashkëpunim një komisioni qendror dhe zyrave në Bashki.
Të gjithë personat që ndodhen në territorin e Republikës së Shqipërisë do të jetë të detyruar t’i përgjigjen pyetjeve të censit, në momentin e kryerjes së tij.
Sipas projektligjit, neglizhimi ose refuzimi për të dhënë informacionin e kërkuar ose dhënia e informacionit të rremë do të dënohet me gjobë prej njëqind mijë lekësh, me përjashtim të rasteve kur informacioni jepet për pyetjet mbi bazën e vullnetit të individit.
Për hetimin administrativ të kundërvajtjeve të parashikuara në këtë nen, INSTAT do të ketë të drejtë të konsultojë bazat e të dhënave shtetërore.
Sipas Instat, pyetësor i Censit nuk do të ketë ndryshime thelbësore në raport me atë të vitit 2011.
Të dhënat e mbledhura nga Censi do të kategorizohen në identifikuese dhe personale të individëve dhe njësive ekonomike familjare, si edhe identifikuese dhe strukturore të banesave.
Përgjigjet për çështje si përkatësia fetare do të jenë fakultative dhe individët mund të zgjedhin të përgjigjen ose jo.
