Një 45-vjeçar në Fier u arrestua pasi në banesën e tij u gjet një sasi prej 23 kg kanabis dhe disa bimë të kultivuara në oborrin e shtëpisë së tij.
Në kuadër të operacionit të koduar “Vjeshta”, policia ndërhyri në shtëpinë e tij ku gjetën dhe sekuestruan lëndën narkotike.
Policia vuri në pranga 45-vjeçarin me iniciale E.B., banues në Cakran të Fierit.
“Gjatë kontrollit të ushtruar në banesën e 45-vjeçarit me iniciale E.B., shërbimet e Policisë kanë gjetur dhe sekuestruar në cilësinë e provës materiale një sasi prej 23 kg lëndë narkotike e dyshuar cannabis sativa dhe disa bimë cannabis të kultivuara në oborrin e banesës” – njoftoi policia.
Materialet i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e narkotikëve” dhe “Kultivimi i bimëve narkotike”.
