Facebook tha se një virus software bëri që disa përdorues të rrjetit social të postonin gabimisht informacione, nga ‘private’ në ‘publike’.
Virusi ka prekur rreth 14 milionë përdorues gjatë disa ditëve në muajin maj.
Ky problem është skandali i fundit i shkeljes së privatësisë së përdoruesve për kompaninë më të madhe të mediave sociale në botë.
Facebook raporton se virusi i bëri automatikisht postimet e reja nga ‘vetëm miqtë’ në ‘publike’.
Postimet e përdoruesve iu shfaqën një audience më të gjerë sesa e kishin menduar.
Facebook thotë se deri në 14 milionë përdorues mund të kenë pasur postime private të bëra publike për shkak të virusit në software.
Erin Egan, zyrtari më i lartë i Facebook për privatësinë, tha se virusi nuk ndikoi në postimet e kaluara.
Facebook po njofton përdoruesit të cilët janë prekur gjatë kohës që virusi ishte aktiv, duke i këshilluar ata që të rishikojnë postimet e tyre.
