Një video që po qarkullon në rrjetet sociale, pretendohet se shfaq momentin kur pjesëtari i Gardës Nacionale të Ukrainës qëllon me kallashnikovë kolegët e tij në një fabrikë të municionit në Dnepr.
Si pasojë e këtij sulmi të përgjakshëm, kanë humbur jetën pesë ushtarë dhe disa tjerë janë plagosur, kurse autori i krimit që ishte arratisur me shpejtësi disa minuta më vonë ishte arrestuar nga policia.
Deri më tani nuk dihen motivet e sulmit brenda fabrikës së municionit, por këto vrasje kanë ndodhur në kohën kur janë rritur tensionet mes Ukrainës dhe Rusisë, e cila po kërcënon me luftë.
Në videon e publikuar, që pretendohet se është marrë nga kamerat e sigurisë, shfaqet ushtari Artem Rabchuk duke qëlluar për vdekje pesë ushtarë. Deri më tani nuk është konfirmuar autenticiteti i videos nga organet e sigurisë.
Madje në një moment ai ndërron karikatorin për të vazhduar “luftën” e tij. E organet e sigurisë kanë njoftuar se ai kishte 200 fishekë në kohën kur po kryente pamëshirshëm vrasjet.
Stabilized footage of Ukrainian National Guard member, Artem Ryabchuk, who shot five people at aerospace factory in Dnepr yesterday. #Ukraine
Warning: Blood and Graphic violence pic.twitter.com/xFzMlalRkZ
— Sk Boz, PhD 💙 (@skbozphd) January 27, 2022
