“Tani nuk mundem, e bëjmë më vonë”, “tani je mjaftueshëm i madh dhe mund ta bësh vetë”, “je një i dështuar”, janë terma që shumë prindër mund t’i përdorin dhe ky është një gabim i madh. Gjithashtu sa herë i keni bërë një premtim dhe nuk e keni mbajtur fjalën?
Kujdes me ato që i thoni fëmijës tuaj!
Shprehjet e gabuara mund të ndikojnë negativisht në zhvillimin e fëmijës. Nuk duhet të mendoni se ai është i vogël dhe nuk kupton, pasi nuk është kështu. Edhe pse ai është në moshë shumë të vogël mund të lëndohet nga fjalët tuaja!
- Mos e tradhëtoni besimin e tij. Mos e nënvlerësoni apo e poshtëroni për atë që nuk e ka bërë në mënyrën e duhur. Ai mund të bllokohet dhe ky bllokim ndikon në zhvillimin gjuhësor, në fushën sociale pra në marrëdhënien e tij me të tjerët. Ata janë gjithashtu shumë të vëmendshëm ndaj asaj që flitet edhe nëse ka lidhje me dikë tjetër prandaj bëni kujdes.
- Premtimet duhet të mbahen gjithmonë. Ai do të mbajë mend atë që i keni thënë dhe nëse ju nuk e mbani fjalën do të ndihet keq. Më pas do të jetë më i prirur ta bëjë. Ndërkohë nuk duhet t’i premtoni një ushqim të caktuar për ta bindur. Shprehje të tipit “po i bërë mirë detyrat do të jap karamele” janë jo edukuese. Detyrat duhet të bëhen për të pasur një të ardhme të mirë jo për të pasur shpërblim.
Le t’i edukojmë gjithashtu fëmijët me ndjenën e përgjegjësisë sepse kështu është e drejtë të veprojmë!