Leontjef Zenelaj, emigrant ilegal në Angli, ka përfunduar pas hekurave, teksa akuzohet se kultivonte hashash në një fermë të improvizuar brenda një shtëpie në York të Anglisë.
Por, 26-vjeçari Zenelaj ka befasuar jo pak teksa prentendoi se ishte trafikuar nga një tjetër shtetas shqiptar dhe u detyrua të punonte si kujdestar i serës së kanabisit.
E dashura e Zenelajt nuk u hetua, por Rahman, 28 vjeç nga Mexborough Street, Chapeltown, Leeds, u deklarua fajtor pasi kishte lejuar që shtëpia e tij të përdorej për rritjen e hashashit.
Prokurori David Ward tha se gjatë bastisjes së shtëpisë ku rrinte Zenelaj në nëntor të vitit 2018, policia gjeti 49 bimë kanabisi bashkë me pajisjet për fermën e improvizuar.
Gjithashtu ishin gjetur 320 paund, një celular që mbante një video të Zenelajtduke numëruar paratë, dokumente të rreme rumune dhe italiane dhe një kontratë qiraje.
Teksa ka dhënë dëshminë e tij, Zenelaj pretendonte se kishte qenë 21 vjeç kur vendosi të shkonte në Mbretërinë e Bashkuar. Një person me nofkën “Ujku”kishte rënë dakord t’i jepte dokumente të rreme dhe ta transportonte për vetëm 6.000 euro.
Ai tha:
Nuk lejohet të hysh në Britani me një pashaportë shqiptare.”
Leontjef Zenelej përshkoi para trupit gjykues udhëtimin e tij njëmujor përgjatë gjashtë vendeve të Europës derisa hyri në Mbretërinë e Bashkuar me anë të një dokumenti ID të rremë rumun, teksa ishte fshehur bashkë me disa të tjerë në një trajler.
Zenelaj pretendoi se “Ujku” e kishte detyruar atë të punonte në një fermë hashashi që të nxirrte paratë për ta paguar udhëtimin.
Pavarësisht tentativave të 26-vjecarit për të hequr përgjegjësitë nga vetja, gjykata nuk i ka pranuar pretendimet e tij dhe kështu dënimi për te pritet të jepet brenda pak ditësh.
Përgatiti: AlpeNews.al
