Kryetari i Partisë Demokratike, Lulzim Basha mblodhi kryesinë e PD ditën e sotme në selinë blu, ku propozoi ngritjen e një grupi pune.
Ajo që vihet re në emrat që ka përcaktuar për këtë grup pune është edhe Gent Malko dhe Arben Imami, të cilët kanë qenë pjesë e grupit të kritikëve ndaj Bashës.
Por mësohet se Arben Imami nuk ka pranuar të jetë pjesë e grupit të punës për ndryshimet statuore.
“Nuk jam për grup pune, vendos dikë tjetër në vendin tim,” mësohet t’i jetë përgjigjur Imami Bashës pas propozimit të tij.
Kujtojmë se edhe Imami kërkoi shkarkimin e menjëhershëm të Bashës si përgjegjsin kryesor të humbjes së thellë të zgjedhjeve por ai nuk është bërë pjesë e asnjë lëvizje.
Pjesë të këtij grupi pune, lideri demokrat ka propozuar edhe nënkryetaret Paloka, Spaho, sekretari pergjithshem, Ristani, sekretaret Bozdo, Kadilli, anëtari tjetër i kryesisë Imami.
Partia Demokratike mblodhi kryesinë sot pas gati 5 muajsh. Mbledhja e fundit e kryesisë e zhvilluar në selinë blu ishte në shtator të vitit të kaluar.
Ajo u shoqërua me tensione të shumta, dhe e tillë pritet të jetë edhe ajo e sotmja. Kjo pasi të gjitha degët e partisë kanë përfunduar procesin e analizës së humbjes së zgjedhjeve.
Debati i brendshëm pritet të jetë interesant se pjesë e kryesisë së partisë janë dhe emra që mbështesin tezën e ringritjes së PD, do të jenë ata që do kërkojnë llogari më shumë për zgjdhjet.