Gazetarja e News24, Klodiana Lala, ka zbuluar në emisionin e gazetarit Ylli Rakipi “Të Paekzpozuarit” se kush është kandidati potencial për postin e Kryeprokurorit të Përgjitshëm të përkohshëm.
Sipas gazetares, Arta Marku, shihet si kandidatja kryesore për të marrë këtë post pasi gëzon edhe mbështetjen e socialistëve, shkruan BalkanWeb.Lala zbuloi se kryetarja e komisionit të sigurisë kombëtare, Ermonela Felaj, dhe kryetari i Komisionit të Ligjeve, Ulsi Manja, janë ata që kanë propozuar emrin e Arta Markut.
“7 kandidatët kanë shpalosur platformat e tyre. 2 prej të cilave janë femra, Arta Marku është kandidatja potenciale, që gëzon mbështetjen e socialistëve, sipas burimeve nga Prokuroria. Marku është prokurore pranë prokurorisë së Shkodrës. Nuk ka ndonjë sukses të shënuar, përveç një harrese që kishte bërë duke lënë një person në burg për 2 muaj më shumë. Ka miqësi me kryetarin e Komisionit të Ligjeve, Ulsi Manja, dhe mendohet se ka qenë ky që ka mbështetur atë. Po ashtu edhe Ermonela Felaj. Ferninand Elezi është kandidatura tjetër që mbështetet nga PDIU, mbetet për t’u parë votimi në parlament. Kandidat i tretë që e rendis është Besnik Muçi, pranë Prokurorisë së Krimeve të Rënda,”
Megjithatë nuk ka asgjë kategorike, sepse orët e fundit ka dhe një skenar të çuditshëm. PD ka bojkotuar komisionin, dhe ka zë se do të bojktojë dhe votimin në Kuvend, kështu pritet të bëjë edhe PDIU,” tha Lala.
