Përfundon seanca dëgjimore me dëgjesat publike me shtatë kandidatët për postin e Kryeprokurorit të përkohshëm.
Kandidatët për Prokuror të Përgjithshëm të Përkohshëm janë:
- Ferdinand Elezi – Prokuror në Durrës
- Arta Marku – Prokurore në Shkodër
- Arqile Koça – Prokuror në Prokurorinë e Përgjithshme
- Besnik Muçi – Prokuror i Krimeve të Rënda
- Granit Shahu – Prokuroria e Tiranës
- Ermira Tafani – Prokurore në Elbasan
- Artur Selmani – Prokuroria e përgjithshme
Pasi Komisioni i Ligjeve dëgjoi të gjithë kandidatët, të cilët paraqitën platformat e tyre dhe jetëshkrimin e deri tanishëm. Kandidatët për Prokurorinë e Përgjithshme të përfohëshme iu përgjigjën pyetjeve të deputetëve të PS.
Në këtë mbledhje mungoi PD, LSI dhe PDIU me pretendimin se kjo mbledhje është në kundërshtim me ligjin.
Pas seancës dëgjimore, komisioni i ligjeve do t’i drejtohet me një raport të detajuar Kuvendit për kandidatët në këtë garë ditën e premte, ndërsa me votën e Kuvendit do të zgjidhet Kryeprokurori i ri, i cili do qëndrojë në detyrë me një mandat të përkohshëm, deri në krijimin e Këshillit të Lartë të Prokurorisë, sipas ndryshimeve të parashikuara nga Reforma në Drejtësi.
Përgatiti: AlpeNews.al
