Ditën e sotme në orën 15:00 mblidhet seance dëgjimore me Prokurorët për Prokurorinë e Përkohëshme. Kryetari i Komisionit të ligjeve në një prononcim ekskluziv për AlpeNews.al Ulsi Manja ka treguar procedurën që që do të ndiqet hap pas hapi deri në zgjedhjen e Prokurorit të Përgjithshëm të përkohshëm.
Pas mbledhjes së sotme ku kandidatët do t’i përgjigjen pyetjeve të deputetëve më pas do të bëhet: Verifikimi dhe eleminimi i atyre që nuk plotësojnë kriteret, hartimi dhe miratimi i raportit për procesin në komision të premten dhe votimi
Ditën e premte në drekë do të mblidhet sërish Komsioni i Ligjeve për të hartuar dhe miratuar raportin që do i dërgohet seancës plenare të kuvendit për dy element:
- Kush i plotëson kriteret dhe kush nuk i plotëson, pasi edhe mund të eleminohet
- Informohet Kuvendi për procedurat e ndjekura dhe për seancën dëgjimore të zhvilluar.
Sakaq Partia Demokratike është prononcuar se nuk do të marrë pjesë në seancën dëgjimore të Komisionit të Ligjeve që do të zhvillohet sot në orën 15:00 me kandidatët për Kryeprokuror të përkohshëm të Shqipërisë.
PD e ka cilësuar si të jashtëligjshëm procesin duke akuzuar kreun e mazhorancës se kërkon që të mbyllë dosjet e korrupsionit me prokurorin e përkohshëm që do të caktojë.
Kandidatët për Prokuror të Përgjithshëm të Përkohshëm janë:
Ferdinand Elezi – Prokuror në Durrës
Arta Marku – Prokurore në Shkodër
Arqile Koça – Prokuror në Prokurorinë e Përgjithshme
Besnik Muçi – Prokuror i Krimeve të Rënda
Granit Shahu – Prokuroria e Tiranës
Ermira Tafani – Prokurore në Elbasan
Artur Selmani – Prokuroria e përgjithshme
Përgatiti: AlpeNews.al
