Kryetarja e Lëvizjes Socialiste për Integrim, Monika Kryemadhi me tone te ashpra dhe me akuzuese se kurre ka shperthyer sot ndaj kryeministrit Edi Rama, duke ftuar shqiptaret te reagojne dhe te behen pjese e betejes se madhe per rrezimin e qeverise qe ka marre peng te tashmen dhe te ardhmen e vendit.
Nga konventa e LSI, Kryemadhi ka theksuar se ka ardhur momenti që opozita dhe qyetarët të ragojnë ndaj mazhorancës qeverisëse, e cila sipas saj është marrë peng nga krimi.
“E gjithë kjo situatë katastrofike ka një autor. Ai është Edi Rama, ky njeri që deri më sot nuk ka patur asnjë marrëdhënie me të vërtetën, ndihet i frikësuar për karriken që po i lëkundet për hir të asaj që ai është gati të bashkëpunojë me çdo kriminel. Ky kryeministër që sot sheh frikërat e tij me arrogancën, çdo ditë po e kupton dhe vetë që asgjë nuk mund t’ja zgjasë më qëndrimin e tij në karrige. Nuk kemi më kohë për të humbur me retorikën politike dhe as nuk do të presim paradën mediatike të fakteve të tjera tronditëse të kësaj mazhorance të kapur nga krimi. Ne jemi gati të përballemi, duhet të shkundim apatinë kolektive kundër një rreziku të madh që i kanoset vendit”, tha Kryemadhi.
Ajo ka theksuar se ‘Rama po shtrohet me miqtë në tavolina në orët e vona nëse duhet të shesë apo ringrejë sërish Saimir Tahirin’.
“Për cfarë reforme në drejtësi flasin për më shumë se tre vjet, kur nuk është e barabartë për të gjithë. Ku është ai kryeministër që fliste për drejtësinë, ndërsa kur dalin skandalet struket si struci. Shqipëria e para në botë për përdorimin e kokainës. Si mund të jemi të qetë kur përdorimi i drogës në shkollë është kthyer në trend, kush mban përgjegjësi. Kjo qeveri kanabizimin e vendit e bëri prioritet kombëtar. 90% e shqiptarëve kanë pësuar ulje të konsumit, vetëm 10% rritje”- tha ajo.
Kryemadhi tha me tej, se “Rama u shërben oligarkëve me privilegje, ndërsa punëtori i thjeshtë sakrifikon për familjen. A keni dëgjuar për Projektin 1 mld euro për investimet publike, kjo është shpifje monstruoze, kjo qeveri kërkon të pastrojnë paratë e krimit dhe drogës. Por piktori vazhdon të na japë një fasadë të bukur, për të gjitha këto arsye unë besoj sot se cdo qytetar patriot që i dhimbset vendi nuk mund të rrijë më indiferent. LSI zgjodhi të jetë zëri i qytetarëve që të jetë më e dobishme në opozitë, se në qeverinë e krimit. Timonieri i krimit e ka timonin vetë”.
Sipas Kryemadhit, Rama kishte jo vetëm timonin, por edhe patentat e krimit për vjedhjen e shqiptarëve.
“Rilindja distancoi socialistët, i turpëroi dhe i ktheu në shërbëtor të krimit, prandaj miq të hapim dyert e partisë tonë për socialistët e zhgënjyer nga Rilindja”- tha ajo.
“Ky është misioni ynë, këtë duhet të arrijmë për të shembur këtë fasadë dhe për të nisur rindërtimin, për vende pune, për sistem të ri arsimor, të kujdesit të ri shëndetësor, për të pasur një vend më të mirë për rininë që do të ndërtojë të ardhmen në vend. Duhet rindërtuar qeveria jonë që ta bëjmë të punojë për njerëzit dhe jo për krimin e organizuar. Rrëzimi i kësaj qeverie dhe krijimi i një qeverie të re per njerezit. Para se të marrë leksionin e hidhur nga populli ynë, se askush nuk mund te tallet me te, se shumë shpejt do të përfundojë në kazanin e plehrave të historisë së shqiptarëve”- perfundoi ajo.
