Me thirrje të fortë drejtuar gjithë shqiptarëve të jenë pjesë e protestës së nesërme të opozitës kundër qeverisë dhe Ramës, kryetarja e LSI-së, Monika Kryemadhi, teksa ka garantuar për një protestë të qetë, ka folur edhe për një skenar të mundshëm provokatorësh.
“Ftoj gratë dhe vajzat, gazetaret për të protestuar për fyerjen e madhe që Rama i ka bërë medias, duke i quajtur kazan.
Prezentë të jenë me familjarët dhe fëmijët e tyre nuk ka për të pasur asnjë dhunë e protestës, e vetmja mund të jetë nga provokatorët, u kërkoj protestuesve të filmojnë cdo provokator, të jenë të kujdesshëm.
Dhe ne nga ana jonë do të marrim masat. I bëj thirrje ministrit të Brendshëm, Xhafaj, të jetë i kujdesshëm me deklaratat që lëshon policia se do të ketë probleme, do përballet jo me LSI por me realitetin e dhimbshëm që po kalojnë shqiptarët”- tha ajo.
