Kryetarja e LSI Monika Kryemadhi isht sot ne Tropoje krah Bashes dhe Berishes per te peruruar shtatoren e Azem Hajdarit. Ne nje postim ne profilin e saj ne Facebook, Kryemadhi shkruan:
Me emocione të papërshkrueshme nga vizita dhe takimet sot në Tropojë.
Një qytet me vlera dhe njerëz energjikë, që në çdo moment nuk e harrojnë të kaluarën për të jetuar sa më mirë të tashmen dhe për të projektuar të ardhmen.
Kujtimi i heroit të demokracisë Azem Hajdari, ishte sot një motiv më shumë për të na bashkuar në betejën tonë kundër mafias dhe bandave në pushtet.
Përpjekja e kryeministrit në detyrë për të marrë protagonizëm gjatë ceremonisë së inaugurimit të shtatores së Azem Hajdarit, për të qenë live në ato media që i shan dhe i fyen pa limit, është tregues i qartë i frikës dhe pasigurisë. Sepse sado pushtet dhe mbështetje të kesh nga bandat, nuk arrin kurrë të jesh i guximshëm për t’u përballur me të vërtetën e dhimbshme të një pushteti në rrënim. Sado “i fortë” të ndihesh nga banditët që të rrethojnë nuk do mundesh kurrë të krahasohesh me ata që guximin dhe formimin politik nuk e vunë kurrë në përdorim të së keqes.
Shqiptarët sot po jetojnë më keq, janë më të varfër, janë të papunë e të pa shpresë për të ndërtuar të ardhmen në vendin e tyre. Ky kryeministër i ka vendosur njerëzit e ndershëm nën sundimin e krimit në pushtet e ndaj i ka ditët e numëruara. Sepse vrulli, energjia dhe idealizmi i të rinjve shqiptarë do të drejtojnë edhe aksionin popullor për ç’rrënjosjen e bandave nga drejtimi i vendit, për të rikthyer demokracinë, lirinë e ndershmërinë si vlera mbizotëruese në Shqipërinë që duam të ndërtojmë për fëmijët tanë.
Kryemadhi në krah me Berishën dhe Bashën, mesazhi që dha nga Tropoja
Kryetarja e LSI-se, Monika Kryemadhi i eshte pergjigjur thirrjes se bashkise se Tropojes per pjesemarrje ne ceremonine e perurimit te shtatores se heroit te demokracise, Azem Hajdarit.
Ne nisje te ceremonise zyrtare, ajo eshte fotografuar ne kete aktivitet, teksa eshte pejse se bashku me kreun e PD-se, Lulzim Basha dhe me ish-kryeministrin Sali Berisha.
Pjesemarres ne kete ceremoni te rendesishme jane edhe Princ Leka, vellai i kryeministrit te Kosoves, Daut Haradinaj, kreu i PR-se, Fatmir Mediu etj.
Kryemadhi nuk ka folur gjate ceremonise, por ne mbyllje te saj ka ndare me ndjekesit e saj ne FB edhe nje mesazh:
“Rruga drejt demokracisë ka pengesat e veta dhe Azemi ishte një nga ata që i kapërcente ato. Herë me lehtësi, herë me vështirësi. Por ai nuk u tremb kurrë nga pengesat. Dhe prandaj sot pas kaq shumë vitesh kujtohet ende si politikani guximtar që nuk hoqi kurrë dorë nga betejat e tij”.
