Kryetarja e Lëvizjes Socialiste për Integrim, Monika Kryemadhi e ftuar në “360 Gradë” në Ora News, tha se kishte vendosur të mos fliste më për reformën në drejtësi, duke sjell rastin e Rumanisë sipas të cilës, pas dy vitesh reformë klasa politike është inkriminuar më tepër.
Kryemadhi: Unë kam marrë një vendim që s’do të flasë më fare për reformën në drejtësi. Le ta ndërtojnë, le ta bëjnë, le ta menaxhojnë, le t’i zgjedhin, le t’i krehin, le t’i puthin, të bëjnë çfarë të duan. Do të them vetëm diçka; para dy vitesh në Rumani dilte populli dhe donte njerëzit në burg pas dy vjetësh thonë të futet prokurorja në burg. Reforma në drejtësi bëri një kolaps dhe inkriminoi më shumë jetën politike në Rumani. Doni OMN-në. E sollën. Listën që bëri ajo e kthyen mbrapsht. Atë që vodhi temën e diplomës Plaren Ndrecës e vunë të parin në listë.
Zheji: Ambasadori amerikan ka thënë se do të kapen peshqit e mëdhenj…
Kryemadhi: Të bëjnë çfarë të duan, të hedhin rrjeta, të kapin peshq, të kapin cironka.
Protesta e 27 janarit ka të bëjë me një arrogancën që kjo qeveri dhe ky sekt kriminal ka kapur shtetin shqiptar, ku ka një standard për kriminelët dhe një për të varfrit, standard tjetër për oligarkët, tjetër për biznesin e vogël.
