Kur në 20 dhetorin e vitit 2001, televizioni më i ri në qytet Top Channel transmetoi të parin edicion informativ në mbrëmje, prapa kuintave më i emocionuari nga të gjithë pas Tan Hoxhës me bishtalec aso kohe, ishte dikush tjetër. Enkel Demi ishte i pari drejtor Informacioni I ekranit që kishte nisur një erë të re ndryshimesh për epokën e mediave moderne shqiptare.
Por si gjithnjë kur ka investime të reja nëpër redaksitë me ambicje për të pushtuar gjithçka menjëherë, historia e Kelit nuk zgjati shumë, sepse në vitin 2002, vendin e tij e zuri një tejtër gazetar i njohur i gjeneratës së gazetarëve të pas ’90, Andi Bejtja. Me të gjitha ulje ngritjet e raporteve të tij të përherëshme me Tanin e Topit, ia doli që ta drejtonte gjithësesi departamentin e informacionit deri në vitin 2005, kur PS e Fatos Nanos humbi në zgjedhjet e atij vit dhe PD u rikthyer në pushtet dhe Kryeministër u bë Sali Berisha.
Çdo faze e re politike, me sa duket ka nevojë për energji dhe emra të rinj në drejtim. Ishte periudha që thirri në skenë për herë të parë për të drejtuar informacionin e Top-it, Sokol Ballën, i cili për kater vjet me radhë, deri në 2009 arriti që të përballonte një nga periudhat e përplasjeve më të forta mes Berishës dhe Drtian Hoxhës të shoqëruara veç të tjerash me gjoba miliona dollarëshe, kur televizioni më I madh atëherë në Shqipëri u kërcënua të mbetej pa shtëpi, sepse Piramida do shembej.
Në vitin 2009 PD mori edhe një mandat të dytë qeverisës, ndërkohë që Kol Balla e la mandatin e tij të parë, për tia lënë stafetën Bledar Zaganjorit që kishte qenë deri atëkohë, Kryeredaktor i lajmeve sëbashku me Mentor Kikinë. Zaganjori u bë ashtu urtë e butë, edhe Drejtori më jetëgjatë i informacionit në televizon, nga ku iku në janarin e 2017, për të bërë rokadë sërisht me Sokol Ballën. I cili dje dorëzoi detyrën për tia lënë stafetën një prej dishepujve të tij në gazetari, Endri Xhafos.
Pas emërimit si drejtor i përgjithshëm i gjigandit mediatik Top Channel, Ben Blushi ka bërë lëvizjen e radhës.
Mësohet se ka qënë kërkesa e Ben Blushit për të larguar gazetarin Endri Xhafo nga posti i drejtorit të lajmeve.
Gazetari Endri Xhafo është i fundit që kanë larguar, pasi ishte si drejtor provizor në Top Channel, ndërsa tani gazetar i Vizion Plus.
Sakaq, ardhja e Ben Blushit në Top Channel, ka sjellë reagime dhe lëvizje të shumta. Blushi ka vetëm pak javë që ka marrë postin e lartë të Drejtorit të Përgjithshëm, pasi u largua nga partia LIBRA.
Drejtorët e Informacionit të Top Channel
- Enkel Demi 2001- 2002
- Andi Bejtja 2002- 2005
- Sokol Balla 2005- 2009
- Bledar Zaganjori 2009- 2017
- Sokol Balla janar- nëntor 2017
- Endri Xhafo nëntor-shkurt 2018
Përgatiti: Alpenews.al
