Presidenti i Malit të Zi, Jakov Milatoviç, do të fillojë këtë të hënë konsultimet zyrtare me partitë politike për dhënien e mandatit për përbërjen e qeverisë së re pas zgjedhjeve të 11 Qershorit.
“Ne duhet të kemi një qeveri të qëndrueshme dhe evropiane sa më shpejt të jetë e mundur ndaj duhet përgjegjësi dhe seriozitet të mjaftueshëm nga të gjitha anët e spektrit politik”, tha Milatoviç para negociatave.
Drejtuesi i Lëvizjes Evropa Tani, Milojko Spajiç, do të jetë i pari që do të shkojë tek presidenti Milatoviç.
Në zgjedhjet parlamentare të 11 qershorit, Lëvizja Evropa Tani e udhëhequr nga Spajiç ka arritur që të dalë parti e parë duke fituar numrin më të madh të deputetëve, 23 nga 81 gjithsej të që ka në përbërje parlamenti malazez.
