Duket se kriza me refugjatët nga Lindja e Mesme të ardhur nga Turqia pas vendimit të Erdogan do të prekë jo vetëm Greqinë por edhe Ballkanin. Autoritetet e Maqedonisë së Veriut po monitorojnë situatën me refugjatët duke kapur dhe në orët e para të mëngjesit 79 të tillë në një lagje të Shtipit.
Në qytetin lindor të Maqedonisë së Veriut, klandestinët u kapën në një lagje brenda një automjeti me targa të Shkupit. Zëdhënësi i Ministrisë së Brendshme, Toni Angellovski ka deklaruar se pavarësisht përplasjes së re Turqi- Greqi, Maqedonia e Veriut është e gatshme të përballojë situatën.
Gjendja në kufijtë jugor nuk ka ndryshuar gjatë këtyre ditëve, respektivisht kemi numër standard të tentativave për të hyrë ilegalisht në shtetin tonë. Mund të them se qytetarët nuk kanë nevojë të shqetësohen. Ministria e Brendshme, respektivisht policia jonë është e gatshme dhe vazhdimisht është prezente në kufirin jugor”- tha Toni Angellovski.