Dy gazetarë të Zërit të Amerikës ndërmorrën në fillim të këtij viti një projekt të posaçëm një-vjeçar për të dokumentuar krizën e opioideve në Shtetet e Bashkuara.
Chris Simkins dhe Jeff Swicord e titulluan produktin e tyre “Dëmi i bërë: Të jetosh makthin e krizës së opioideve në Amerikë”.
Dokumentari i tyre rrëfen historinë e tre personave: një grua nga Majami, që po përpiqe të shërohet nga varësia ndaj opioideve dhe të mbajë familjen e saj; një punonjës social vullnetar që punon në lagjen më të prekur nga droga në Filadelfia; një shef policie në një qytet të vogël të Karolinës së Veriut që nuk i arreston më njerëzit dhe ka krijuar një organizatë jofitimprurëse që siguron shërbime për të droguarit.
Ky episod të teletransporton në Filadelfia, ku policia ka ndërhyrë për të spastruar kampet me tenda provizore të të droguarve në lagjen “Kensingotn” të qytetit.
