Mateo Salvini, ministri i Punëve të Jashtme i Italisë i gjetur nën presion mbi vendimet e ditëve të fundit ka reaguar duke sulmuar Bashkimin Europian e në veçanti Gjermaninë.
Salvini kërkoi mbylljen e porteve dhe për anijet e misioneve ndërkombëtare të nisur në operacionet e kërkim-shpëtimit të emigrantëve në “Mesdhe”.
Ai informoi se në samitin e ministrave të brendshëm të vendeve të Bashkimit Europian që do zhvillohet këtë të enjte 12 korrik në Innsbruck, Italia do të kërkojë mbylljen e porteve dhe për anijet e të gjitha misioneve ndërkombëtare që aktualisht operojnë në Mesdhe.
“Për fat të keq, qeveritë italiane të 5 viteve të fundit kanë firmosur marrëveshje me Bashkimin Europian që lejon që të gjitha anijet e misioneve ndërkombëtare të zbarkojnë emigrantët në Itali. Por me qeverinë e re kjo lloj historie ka ndryshuar”, shprehet Salvini.
“E keni parë atë që tha Jean Claude Juncker? Kërkoi 10,000 ushtarë “Frontex” për të kontrolluar kufijtë evropianë. Brenda një muaji ra alarmi në Evropë e ne luajtëm në mënyrë të ndershme .
Në këtë pikë vetë Salvini tregoi një ulje të kontributit për azilkërkues nga 35 € në 25 € që vjen në mënyrë direkte nga Bashkimi Europian.
“Të gjitha vendet duhet të respektojnë kontributin mesatar”, tha ai duke lënë të kuptohet se reduktimi i ndihmave vështirëson menaxhimin e emigrantëve.
“Kur bëhet fjalë për probleme që n’a prekin të gjithve duhet qw peshën e barrës t’a ndajmë midis nesh”.
Lidhur me njoftimin mbi dhënieve e lejeve humanitare, ai tha: “Edhe nëse unë isha njeriu më i keq në botë, gratë dhe fëmijët nuk mund ti dëboja”.
