Kriza e emigrantëve në vetëvete prodhoi një peshë përgjegjësie për vendet e BE dhe ato që aspirojnë të bëhen pjesë. Si një përgjegjësi e përbashkët shumë nga liderët e vendeve evropiane kërkuan që pesha të shpërndahej te të gjithë. Ndër më radikalët, për sa u përket deklaratave ishte Matteo Salvini, ministi italian që adoptoi në mënyrë rigoroze politikat “zero tolerancë”.
Numri i emigrantëve që mbërrijnë ilegalisht në Europë mund të jetë ulur, por shifrat ngelen ende “të papërballueshme” për vendet e BE.
Për populistin Salvini, “Koha nuk pret”!
Ndërkohë, nuk ka asnjë shenjë për një marrëveshje të BE-së se çfarë do të bëhet me emigrantët që mbërrijnë në Europë, gjë që na sjell sërish tek kërcënimi për zonën Shengen.
Ministri i Brendshëm italian, populisti Matteo Salvini beson se qendrat e pritjes së emigrantëve duhet të ngrihen në Niger, Mali, Çad dhe Sudan. “Dhe nëse Shengeni dështon”, parashikojnë ato, “kjo do të ishte nisja e fundit të Bashkimit Europian”
Rritja e pafrenuar e politikanëve me qëndrime të ashpra ndaj emigracionit në gjithë BE-në, ka fuqizuar drejtuesit e vijës së ashpër si Viktor Orban i Hungarisë dhe Sebastian Kurc i Austrisë, të cilët marrin nga gjashtë muaj presidencën e BE-së këtë të diel dhe e kanë vendosur emigracionin si prioritetin më të madh.
Viktor Orban i deklaruar kundër emigratëve i shprehu mbështetjen Italisë lidhur me dëbimin e emigrantëve klandestinë.
“Unë e kuptoj që italianët janë shprehur me votën e lirë në favor të çlirimit nga vala e emigrantëve. Nëse qeveria e re dëshiron, Hungaria e drejtuar nga unë, që kam qenë nismëtar i ndalimit të emigracionit në emër të Europës së krishterë, është e gatshme t’i ofrojë Romës ndihmën dhe eksperiencën e saj. Jo vetëm për të zhvendosur emigrantët në vende të ndryshme të Bashkimit Europian, por jemi të gatshëm të ndihmojmë miqtë tanë italianë që të dëbojë emigrantët”.
Pas një fushate elektorale të përqendruar në temat e imigrimit, të islamizimit dhe të refugjatëve dhe një gare të populistëve nga e djathta Sebastian Kurz u bë kancelari i Austrisë.
Kurz, kandidati kryesor i Partisë Popullore Austriake (ÖVP), tha gjatë fushatës elektorale se do t’i mbrojë më mirë kujtë e vendit, do të luftojë islamizmin politik dhe ta kuzojë imigrimin.
Lidhur me krizën e emigranëve ai është shprehur: Austria nuk do të pranojë emigrantë në territorin e saj.
