Në samitin për Ballkanin Perëndimor që po zhvillohet në Poznan, Presidenti polak Andrzej Duda tha se BE nuk duhet të zgjasë zgjerimin dhe se ”Polonia nuk e pranon një situatë ku vendet e Ballkanit Perëndimor marrin pjesë në një garë ku finishi është i padukshëm”. ”Jemi të detyruar të japim një datë të qartë në vend të deklaratave verbale”, shtoi Duda.
”Ne ia kemi borxh këtë vendeve të Europës Juglindore… Ne nuk duhet të humbim kohë. Pa integrimin e Ballkanit Perëndimor, Europa nuk do të marrë frymë lirisht ”, shtoi ai. Duda theksoi se Polonia mbështet politikën e zgjerimit të BE-së pasi ajo mbështet një Europe solidare dhe transparente në vend të një Evrope me paragjykimeve të ndërsjella.
“Pa integrimin e Ballkanit Perëndimor, së bashku me traditat e bukura dhe kulturat e ndryshme, Europa nuk do të marrë frymë lirisht. Jam i vetëdijshëm për fjalët që po them, duke qenë president i një vendi që përdor fondet e BE-së dhe që do të të jetë i detyruar të ndajë këto burime me anëtarët e rinj në të ardhmen”, tha ai. Polonia është një vend që mbështet politikën e zgjerimit të BE pasi mbështet një Europë solidare dhe transparente në vend të një Europe të paragjykimeve të ndërsjella, që kufizohet vetëm në interesa dhe frikëra të veçanta.
