Personi që shikoni në foton e mësipërme është Irvana Medinaj, nëna e dy fëmijëve që u godit barbarisht me thikë mbrëmjen e djeshme në Fier, nga bashkëshorti i saj i cili tanimë është në arrati.
Newsbomb.al siguron foton e nënës së re që jeta iu pre në mes, pas një konflikti të çastit me bashkëshortin e saj, 29 vjeçarin Demokrat Medinaj. Dyshohet se ky i fundit vuan nga probleme të shëndetit mendor.
Mësohet se ngjarja makabre ndodhi në prani të famijarëve, të cilët kanë telefonuar 127 dhe kanë kërkuar ndihmë se kanë një person të plagosur në shtëpi, duke tentuar të fshehin krimin e bërë nga djali i tyre.
Burimet kanë bërë me dije për newsbomb.al se, 28 vjeçarja Irvana Medinaj është qëlluar barbarisht me thikë, 31 herë në kokë dhe trup, derisa ka ndërruar jetë.
Për këtë ngjarje, stafi i Spitalit Rajonal të Fierit informoi Policinë, pas dyshimeve se bëhej fjalë për një vrasje dhe jo plagosje. Me të mbërritur në vendin e ngjarjes, ekspertët kanë konstatuar se nëna e dy fëmijëve ishte vrarë nga bashkëshorti i saj.
