Policia në Malajzi arrestoi dy vëllezër, nga Punjab, Indi, fajtor për vrasjen e një burri dhe gruaje, trupat e të cilëve u gjetën të ndara në dy valixhe.
Policia zbuloi trupin e burrit, 79-vjeçarin Lim Ah Kee në zonën Alam Megah të Shah Alam, kryeqyteti i shtetit Selangor, të enjten (29 gusht). Policia u dërgua atje nga dy të dyshuarit që ishin arrestuar pasi gruaja e Z. Lim, zonja Tan Sieë Mee, 52 vjeç, u gjet e vdekur në një valixhe tjetër të hënën, gjithashtu në Shah Alam, shkruajnë mediat botërore.
Ndihmësi i Komisionerit të Policisë së Shah Alamit Baharudin Mat Taib tha të Premten të dy të dyshuarit, të moshës 19 dhe 24 vjeç, besohej se kishin vrarë së pari Z. Lim në 23 gusht midis orës 10:00 dhe mesnatës në apartamentin Subang Jaya. “Pastaj ata e futën trupin në një thes, e transportuan atë me një motor dhe e hodhën në një kullim afër stacionit të Alam Megah LRT”, tha ACP Baharudin në një konferencë për shtyp të Premten.
Ata vranë zonjën Tan disa orë më vonë, kur ajo u kthye në shtëpi nga puna e saj si menaxhere restoranti. Ata pastaj futën trupin e saj në një thes të ngjashëm dhe hodhën çantën në një kullim në Persiaran Kuala Selangor. Të dy viktimat u qëlluan me thikë disa herë dhe gjithashtu iu ishte prerë fyti.
Baharudin tha se motivi për vrasjen ishte ende duke u hetuar dhe nuk pranoi të komentojë nëse vrasjet ishin për shkak të një mosmarrëveshjeje midis çiftit dhe dy të dyshuarve, të cilët punonin si roje të sigurisë. Dy të dyshuarit kishin jetuar me viktimat thuajse në një zonë për gati 6 muaj. Policia ka sekuestruar armët e krimit makabër që ka tronditur Malajzinë.
