Hysnie Hoxhallari, 32-vjeçe e akuzuar se organizoi vrasjen dhe djegien në banesë të bashkëshortit të saj Olsi Hoxhallari dhe vjehrrën Salke Hoxhallari, ka dalë sot përpara Gjykatës së Vlorës për t’u njohur me masën e sigurisë.
I shoqëruar nga masa të forta sigurie, përpara xhaketave të zeza ka dalë edhe i dashuri i 32-vjeçares, Kasëm Prijasi 26-vjeç, i cili akuzohet si autori i krimit makabër. Të ndarë në dy automjete të ndryshme, por në sallë kanë të dy bashkë. Siç duket nga pamjet ata duken jo pak të frikësuar teksa dalin përpara gjyqtares Esmerilda Habili. Pasi ka dëgjuar palën akuzuese me prokuror Makism Sota, gjyqtarja Habili ka dhënë masën, arrest në burg për të dy shtetasit.
Ndërkohë avokati i Hysnie Hoxhallarit, Sokol Zotaj pas seancës gjyqësore është shprehur për mediat se “për të pandehurën Hysnie Hoxhallari nuk u paraqit asnjë provë që ta implikojë në vrasje me bashkëpunim”. Ndërkohë ai ka sqaruar dhe momentin e ndodhjes së krimit, se si ka ndodhur, duke thënë se Hysnia ka qenë në banesën ku po rrinte me djalin e saj.
Ndërkohë që Kasëmi ka bërë krimin ka shkuar në banesën ku po flinte 32-vjeçarja dhe i kish thënë që e mbylla, për shkak të xhelozisë dhe që nuk po e takonte dot. “Unë nuk kam gisht në vrasje. Kam fshirë hanxharin dhe njoftova policinë se ka rënë zjarr në banesë në orët e para të mëngjesit”, ka thënë nusja e shtëpisë.
Ajo ishte e kanosur nga 26-vjeçari shprehet avokati dhe kishin lidhje intime prej 3 vitesh. Hysnia ka deklaruar në gjykatë se “ndihem e penduar dhe nuk jam e implikuar”. Ndërkohë Kasëmi ka deklaruar pjesëmarrjen në krim dhe vrasjen e ka kryer pa ndihmën e asnjë personi tjetër është shprehur avokati. “I vrava se nuk takoja dot Hysnien” mësohet të jetë shprehur përpara trupit gjykues 26-vjeçari, Kasëm Prijasi.
Si u zbardh krimi horror?
32-vjeçarja insistoi për zbardhjen e krimit ku mbetën të vrarë barbarisht bashkëshorti i saj dhe vjehrra. Por pak ditë pas kësaj ngjarje ajo ka insistuar për shembjen e ndërtesës ku ndodhi krimi. Kjo ka krijuar dyshime te të afërmit dhe grupi hetimor që po hetonte krimin tronditës.
Hysnie Hoxhallari është mbajtur nmë përgjim si dhe i është përgjuar telefoni ku edhe janë konstatuar biseda telefonike dhe SMS me Kasëm Prijasin.
Sipas dosjes hetimore, në një moment ajo i drejtohet të dashurit me këto fjalë: “Na more në qafë, çfarë na berë, s’duhet të ndodhte kështu, na fute në dhe”. Ndërsa në përgjimet ambientale ajo ka thënë te të afërmit se kush e kishte bërë krimin, por ka mohuar që të ketë pasur dijeni për skenarin e Prijasit.
