Një krim makabër ndodhi pak pas mesnatës së sotme në qytetin e Shkodrës, ku një 69-vjeçar qëlloi me çekiç dhe la të vdekur në vend bashkëjetuesen e tij.
Viktimë e kësaj ngjarjeje është 58-vjeçarja Suzana Shemuni, ndërsa autor, i moshuari Bashkim Telo.
Ata kanë qenë të dy të vetëm në banesë, ndërsa sipas të afërmve, Bashkimi, pasi i kishte vdekur bashkëshortja, ishte transferuar në Tiranë, për të ndjekur shkollimin e të bijave.
Aty ka jetuar për një periudhë të gjatë kohore, në një shtëpi me qira.
Më pas është njohur me Suzanën, e cila ishte nënë e katër fëmijëve dhe prej pak kohe kishte ngelur e ve.
Burrë e grua kishin vendosur të kalonin bashkë ditët e tyre të fundit, pro grindjet ishin bërë gjithmonë e më të shpeshta.
Pas mesnate, pasi kishin darkuar, në përfundim të sherrit, Bashkimi ka qëlluar me mjete të forta bashkëjetuesen. Trupi i pajetë i viktimës u dërgua në morgun e qytetit, ndërsa Baskim Telo u arrestua pranë banesës.
