Viti që po lëmë pas ka qenë një vit jo i lehtë për vjehrrat të cilat janë sakrifikuar nga nuset e tyre. Kjo ka ardhur për shkak të mosmarrëveshje mes tyre, dhe ka arritur deri në vrasje ose në helmime.
Vjehrrat pas grindjes me nuset e tyre janë masakruar siç kemi rastin e Mariana Çmeta e cila pasi e helmoi e mbyti vjehrrën me duart e saj, apo ajo e Hysni Hoxhallari e cila dogji bashkëshortin dhe vjhrrë në shtëpi.
AlpeNews.al, risjell në rubrikën “2018” dy ngjaret makabre që kanë ndodhur përgjatë vitit, ku nuset kanë vrarë vjehrrat e tyre.
1.Mariana Cmeta
Mariana Cmeta, 21 vjeç një vit më parë helmoi dhe më pas mbyti me duar vjehrrën e saj Lumtujire Lami.
47 vjeçarja pas konflikteve të përsëritura ishte larguar nga banesa në të cilën jetonte nusja me djalin e saj, por ky fakt nuk i ka shpëtuar asaj jetën. Ajo u vra tragjikisht pas përpjekjeve për të kërkuar ndihmë pas helmit të cilën nusja i kishte hedhur në një gotë me lëng portokalli.
2. Hysnie Hoxhallari
Në 28 janar të 2018-ës, qyteti i Vlorës u trondit nga vrasja e Selkie dhe Olsi Hoxhallarit, nënë e bir, të cilët pasi ishin masakruar, u lanë të digjeshin në banesën e tyre të përpirë nga flakët. Por pasi nusja dëshmoi se atë mbrëmje ajo i gjeti ata të djegur në shtëpi dhe në intervista kërkonte drejtësi, vetëm një muaj më pas policia zbuloi se ishte pikërisht 32-vjeçarja dhe i dashuri i saj 26-vjeçar autorë të krimit makabër. Për shkak se bashkëshorti i Hysnies dhe babai i djalit të saj 3-vjeçar ishte kthyer prej disa kohësh nga Greqia, dyshja nuk kishte mundur më të takohej dhe kjo e shtyu Hysnien dhe Kasëm Pirjasin drejt vrasjes së dyfishtë. Pas arrestimit të dyshes, bashkëshortja e Kasëmit dhe nëna e dy vajzave të tij, njëra prej të cilave invalide, rrëfeu se ajo dhe Hysnie Hoxhallari janë kushërira të dyta
/AlpeNews.al
