Një grua 60-vjeçare është vrarë nga bashkëshorti i saj, pasi ky i fundit e qëlloi me një shishe. Ngjarja e rëndë ka ndodhur brenda shtëpisë së çiftit në San Stino di Livenza, Venecia.
Mediat italiane shkruajnë se viktima është identifikuar si shtetasja Cinzia Luison.
Gjithashtu bëhet e ditur se ka qenë vetë autori i ngjarjes së rëndë ai që ka alarmuar karabinierët, duke iu dorëzuar më pas hetuesve.
Deri më tani motivi i vrasjes nuk është ende i qartë, duket se sulmi ka ndodhur pas një debati të dhunshëm.
Kur ambulanca mbërriti në vendngjarje, gruaja, pronare e një parukerie, ishte tashmë e vdekur.
Mediat shkruajnë se burri i saj 65-vjeçar u transferua në selinë e komandës në Portogruaro (Venecia).
