Një krim i rëndë në familje ka ndodhur mëngjesin e kësaj të premteje në Kavalla të Greqisë.
Një 56-vjeçar ka vrarë me armë zjarri gruan e tij 32-vjeçare dhe fëmijën e tyre, vetëm 1 vjeç dhe më pas është vetëvrarë. Mediat greke shkruajnë se çifti ishte drejt ndarjes dhe ishin në konflikt për kujdestarinë e fëmijës së tyre.
Autori ishte blegtor dhe mëngjesin e sotëm ka dalë nga shtëpia, ka marrë me vete gruan dhe fëmijën dhe i ka çuar në pronën e tij ku i ka qëlluar. Burri ishte grek, ndërsa gruaja me origjinë gjermane.
