Komisioni i Pavarur i Kualifikimit do marrë sot në “sitë” gjyqtarin e Gjykatës Kushtetuese, Bashkim Dedja.
Trupa gjykuese eshte e përbërë nga Valbona Sanxhaktari, Roland Ilia dhe Xhensila Pine, për pasurinë dhe aftësitë profesionale.
Vetë gjyqtari Dedja mungon në këtë seancë.
Më herët nga kjo gjykatë u shkarkuan anëtarët Fatos Lulo, Altina Xhoxhaj dhe Fatmir Hoxha, ndërsa ka dhënë dorëheqje Besnik Imeraj.
E vetmja që e kaloi Vettingun ishte anëtarja e Gjykatës Kushtetuese, Vitore Tusha. Aktualisht Gjykata Kushtetuese është jashtë funksionit për shkak të vakancës, por kjo nuk e ka penguar KPK-në të vijojë me Vettingun në radhët më të larta të gjyqësorit. Gjykata Kushtuese përbëhet sot nga vetëm tre anëtarë dhe aktiviteti i saj është pezulluar prej disa javësh.
