Kreu i Drejtorisë së Shëndetit Publik në Pukë, Gjelosh Kasa i është përgjigjur interesimit të News24 dhe BalkanWeb për vdekjen e një 13-vjecareje pak ditë më parë në fshatin Berishë të njësisë administrative Iballë në bashkinë e Fushë Arrëzit.
Gjelosh Kasa tha se nuk ka vend për panik tek popullata, ndërsa për vdekjen e 13-vjecares nuk u kërkua ndihmë në kohën e duhur. Ai tha se familja e prekur nga viroza rezulton e vaksinuar dhe vajza nuk ka vdekur nga fruthi siç pretendohej ne fillim.
“Nuk ka vend për panik tek popullata. Vdekja është shkaktuar nga situata post-virale. MSH dhe DSHP Pukë ka verifikuar situatën ne terren dhe rezulton se familja e prekur nga viroza ishte e vaksinuar. Për vajzën që humbi jetën nuk u kërkua ndihma mjekësore në kohen e duhur. I bëj thirrje popullatës mos neglizhojë situatat virale”- tha Gjelosh Kasa.
