Gjatë orëve të fundit është lakuar së tepërmi në mediat online fakti që Bashkim Fino mund të jetë rivali i Armand Dukës në garën për kreun e FSHF-së. Zgjedhjet do të mbahen në mars dhe deri tani Duka e ka “autostradë” rrugën drejt një mandati të pestë, por në skenë ka dalë emri i ish-kryeministrit.
Gazeta “Panorama Sport” u përpoq të fliste vetë me Finon, por ky i fundit refuzoi t’i përgjigjej mesazhit duke qëndruar në heshtje. Nuk e pohoi, por as e mohoi… Vështirë ta thuash me siguri, por heshtja në të tilla raste kosniderohet edhe si pohim ndaj ka shuëm të ngjarë që Fino të jetë kandidat i ardhshëm për zgjedhjet për president i FSHF-së…