Pas një hetim nga policia greke, ditën e sotme është bërë e mundur shkatërrimi i një grupi kriminal, që merrej me shfrytëzimin e vajzave me qëllim prostitucionin e tyre.
Grupi në fjalë përbëhej nga 5 persona, ku dy prej tyre ishin shqiptarë, duke përfshirë edhe kreun e kësaj bande kriminale.
Mediat greke raportojnë se kreu i grupit ishte një 24-vjeçar nga Fier, i quajtur Romeo Blido, ndërsa shqiptari tjetër ishte 23-vjeçari, Erald Cura.
Bashkë me arrestimin e tyre, është bërë edhe zbardhja e skemës që grupi në fjalë përdorte për të rekrutuar vajza në vende të ndryshme, duke përfshirë edhe Shqipërinë, me qëllim shfrytëzimin e tyre seksualisht.
Gjithçka niste me joshjen e vajzave nga anëtarët e grupit përmes rrjeteve sociale, të cilave u premtonin lidhje dashuri, por në fund përfundonin duke abuzuar seksualisht me ta.
Pasi lidhja e tyre kishte shkuar larg, përmes shantazheve dhe duke u dhënë para, vajzat detyroheshin në kryenin marrëdhënie seksuale.
E njëjtë gjë kishte ndodhur edhe me një 14-vjeçare nga Bullgari. Dhe këtë herë, joshjen e kishte kryer, as më pak, as më shumë se vetë kreu i grupit në fjalë, Romeo Blido.
Pasi e kishte bërë për vete në rrjetet sociale, Romeo ishte takuar me 14-vjeçaren nga Bullgaria, të cilën më pas e kishte detyruar që të merrte pjesë edhe në një orgji, me 10-15 veta.
Grupi më shumë e ushtronte aktivitetin e tij në lagjen Kalitheas të Athinës. Pas operacioni të suksesshëm nga policia, institucionet greke janë angazhuar për të ofruar ndihmë për vajzat që ishin trafikuar nga ky grup, duke përfshirë edhe 14-vjeçare bullgare.
Pas arrestim, grupit kriminal u janë sekuestruar 63.830 Euro, 6 makina, 3 kompjuterë, 96 celularë dhe blloqe me shënime.
