Besimtarët ortodoksë në të gjithë vendin kremtuan të Premten e Zezë, ditë që simbolizon përkujtimin e vuajtjeve të Jezu Krishtit dhe vdekjen e tij në Kryq.
Me mijëra besimtarë por edhe vizitorë u bënë pjesë e ceremonisë në Korcë ku bashkohen 7 epitafë.
Nën tingujt e një muzike funebër, ata parakaluan në dy bulevardet e qytetit dhe më pas u rikthyen në Katedralen “Ngjallja e Krishtit”.
Aty bëhet edhe riatuali i kalimit nën Epitaf që besimtarët e shoqërojnë me lutje për më shumë shendet e mirësi.
Mijëra qytetarë, pavarësisht besimit fetar ndoqën edhe në Berat ritualin e nxjerrjes së epitafit në rrugë.
Ka qenë Kryepeshkopi i Vlorës, Kaninës dhe gjithë Jugut, Imzot Ignati, i cili ka drejtuar edhe rritet fetare në Katedralen e Shën Dhimitrit.
Ceremoni të ngjashme u mbajtën pranë të gjitha kishave ortodokse.
Të dielën besimtarët do të kremtojnë Ringjalljen e Krishtit.
