Ministri i Ekonomisë dhe Mjedisit në detyrë, Blerim Kuçi, ka kërkuar nga kryeministri në detyrë, Avdullah Hoti, ta lirojë nga detyra.
Siç mëson KOHA, arsyetimi i Kuçit ka qenë që nuk dëshiron të jetë i angazhuar në fushatën për zgjedhjet e shkurtit, teksa kryen edhe detyrën e ministrit.
Kërkesa e Kuçit ende s’ka marrë përgjigjen e Hotit. Kuçi pritet të jetë pjesë e listës së Aleancës për Ardhmërinë e Kosovës.
“Unë vet kam kërkuar të lirohem nga detyra, pasi nuk mundem në një Ministri kaq të rëndësishme të kryej detyrat e mia si ministër dhe të angazhohem në fushatë”, ka thënë Kuqi për Front Online.
Kuçi më tutje ka deklaruar se nuk do të jetë pjesë e listës së AAK-së për deputet, por që do të jetë pjesë e Shtabit Zgjedhor. “Nuk do të jem kandidat për deputet, por pjesë e Shtabit”, tha ai.
