Instituti Kombëtar i Shëndetit Publik në Kosovë (IKSHPK) ka regjistruar të mërkurën 4 persona të infektuar dhe 43 persona të shëruar nga koronavirusi.
“Rastet pozitive janë raste kontakti nga: komuna e Prizrenit 2 raste (sipas vendbanimit: 1 rast Prizren, 1 rast Zhur), 1 rast me vendbanim në Rahovec dhe një 1 rast Leposaviq”, është thënë në njoftimin e këtij Instituti.
Përgjatë 24 orëve të fundit, ky Institut ka thënë se janë kryer 324 teste për këtë virus.
Duke marrë parasysh të dhënat e fundit, deri më tani në Kosovë janë regjistruar 860 persona të infektuar, 533 të shëruar dhe 26 të vdekur si pasojë e sëmundjes Covid-19, që shkakton koronavirusi
