Nje operacion policor kunder korrupsionit ka vene ne pranga 7 persona ne Elbasan, mes te cileve dekanin e fakultetit ne Universitetin “Aleksander Xhuvani”, dy pedagogë dhe kater sekserë.
Prokuroria pranë Gjykatës së Shkallës së Parë Elbasan, ka regjistruar procedimin penal ndaj personave që ushtrojnë funksione publike”ndër ta dekani, shefja e departamentit të Gazetarisë një Pedagoge dhe 4 persona te tjere qe mbajne poste publike ne zonen e Elbasanit.
Këta persona dyshohet se ushtronin ndikim te pedagogët apo pranonin ndikime nga shtetas të ndryshëm me qëllim favorizimin për nota kaluese për studentët e këtij universiteti në Fakultete të ndryshme kundrejt shpërblimeve të padrejta.
Admirim Kala një nga personat e arrestuar për “Ushtrimi i ndikimit të paligjshëm ndaj personave që ushtrojnë funksione publike” mbrëmjen e dites se djeshme.
Admirim Kala banues në Gramsh gjithashtu mbante dhe postin e Koordinatorit për LSI në zonën e Gramshit.
Kala njihej mire nga banoret e zones per miqesine e ngushte me ish kreun e ARRSH, Dashamir Xhika, i arrestuar gjithashtu, për SKANDALIN me tenderat e rrugëve Elbasan-Tirane dhe me përfaqësues te tjerë të Lëvizjes Socialiste për Integrim.
Kujtojmë që Dashamir Xhika është arrestuar jo shumë kohë më parë nën akuzat e ” Korrupsion” dhe “Shpërdorim detyre”.
Ky procedim është bashkuar edhe me procedimin penal nr. 1702 të vitit 2017 për veprat penale të “Ushtrimi i ndikimit të paligjshëm ndaj personave që ushtrojnë funksione publike”, nga Prokuroria pranë Gjykatës së Shkallës së Parë Elbasan.
Në kuadrin e zbardhjes së rrethanave të faktit nga prokuroria janë përdorur metodat speciale të hetimit për grumbullimin e provave.
Me vendimet e datës 08.05.2018, nga Gjykata e Rrethit Gjyqësor Elbasan, janë pranuar kërkesat e prokurorit të çështjes për caktimin e masave të sigurimit personal me karakter shtrëngues “arrest në burg” parashikuar nga neni 238 i Kodit të Procedurës Penale, për shtetasit si më poshtë:
1. Albert Riska – me detyrë dekan pranë Universitetit “Aleksandër Xhuvani” Elbasan
2. Elvira Lumi – me detyrë përgjegjëse e departamentit të gazetarise pranë Universitetit “Aleksandër Xhuvani” Elbasan
3. Erjola Calja – me detyrë pedagoge e jashtme në fakultetin e Ekonomise, pranë Universitetit “Aleksandër Xhuvani” Elbasan
4. Petrit Kodra – shtetas (Sekser)
5. Admirim Kala – shtetas (Sekser)
6. Adem Ngjela – shtetas (Sekser)
7. Marjus Calja – shtetas. (Sekser)
Arrestimi i këtyre shtetasve u krye mbrëmjen e datës 08.05.2018.
