Kryeministri i Britanisë së Madhe Boris Johnson ka përshkruar hapat e mëtejshëm për të luftuar koronavirusin në këtë shtet.
Në konferencë, Johnson dha hapat të cilat duhet t’i ndjekë qeveria britanike për të garantuar shëndetin e njerëzve të moshuar, vecanërisht. Kjo për shkak se koronavirusi prek më shumë, pikërisht të moshuarit.
Personave mbi 70 vjec u është thënë që të mos bëjnë shumë lëvizje e të konsiderojnë qëndrimin në banesa. Në Mbretërinë e Bashkuar, viktima i parë nga koronavirusi ishte një uellsian, i ri në moshë. Viktima ishte vetëm 36 vjec.
Në Mbretërinë e Bashkuar në total janë prekur 1543 vetë, ndërsa numri i të prekurve sa vjen e rritet. Departamenti i Shëndetësisë tha se rastet e fundit përfshijnë të prekur edhe në Uells dhe në Skoci. Më shumë se 44 mijë njerëz janë testuar për koronavirusin në Britani.
